Marko Rubio: ABŞ sistemli hücuma məruz qalmayıb
jpg_1795006726.jpg)
jpg_1795006726.jpg)
18 Noyabr 2026 16:58
30
DÜNYA
ABŞ-nin dövlət katibi Marko Rubio son bir həftə ərzində ölkədə baş verən ardıcıl texniki nasazlıqların bir-biri ilə əlaqəli olması barədə sosial şəbəkələrdə yayılan narahatlıqları təkzib edib. O, jurnalistlərə bildirib ki, bu hadisələr arasında hər hansı əlaqənin olduğuna dair heç bir sübut yoxdur. M.Rubio insanların bu nasazlıqların böyük bir planın hissəsi olmasından narahat olduğunu deyib: “Biz sistemli hücuma məruz qalmamışıq. Bu hadisələrin bir-biri ilə heç bir əlaqəsi yoxdur”.
“BBC”nin məlumatına görə, son günlər ABŞ-də bir sıra ciddi texnoloji fasilələr qeydə alınıb. “Microsoft”un xidmətlərində başlayan nasazlıq e-poçt və digər sistemlərin işini pozub. Həmçinin ABŞ Federal Aviasiya Administrasiyası texniki problem səbəbindən ölkə üzrə bütün uçuşları 4 saatdan çox müddətə dayandırıb ki, bu da 2001-ci il 11 sentyabr hadisələrindən sonra uçuşların ən uzunmüddətli dayandırılması olub. Eyni zamanda “United Airlines”ın 150-yə yaxın reysi texniki səbəbdən gecikib, “JPMorgan Chase” bankında isə proqram təminatı problemi müştərilərə xidmətdə fasilələr yaradıb. Bundan başqa, “Apple”ın “iCloud” və “Apple Pay” xidmətlərində, eləcə də ABŞ Milli Təhlükəsizlik Agentliyinin daxili məxfi rabitə şəbəkəsində müvəqqəti fasilələr yaranıb.
ABŞ Milli Kəşfiyyatının direktoru Cey Kleyton və kibertəhlükəsizlik mütəxəssisləri də nasazlıqların kiberhücum olmadığını təsdiqləyiblər. Ekspertlərin sözlərinə görə, burada heç bir sui-qəsd yoxdur və əsas səbəb 30-40 il əvvəl qurulmuş köhnə rəqəmsal infrastrukturun sürətlə yenilənməsi, sistemlərdə aparılan təmir işləri, eləcə də süni intellektin şəbəkələrə yaratdığı əlavə yükdür. M.Rubio əhalidə təşvişin və banklardan kütləvi pul çıxarılmasının qarşısını almaq üçün hökumətin bütün məlumatları şəffaf şəkildə paylaşacağını vurğulayıb.
Təhminə VERDİYEVA,
“Azərbaycan”
Digər Xəbərlər
Faydalı linklər
ÇOX OXUNANLAR
"Azərbaycan"-ın 1918-1920-ci illərdə dərc olunan nömrələrinin transliterasiyası
OXUCU MƏKTUBLARI
NƏŞRLƏRİMİZ
TƏQVİM / ARXİV
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu. Bununla da Azərbaycan yeni inkişaf dövrünə qədəm qoydu. Bu dövrdə dünyada mürəkkəb və ziddiyyətli proseslər davam etməkdədir! Hələ də dünyada ədalətsizliklər mövcuddur! Hələ də dünyada ikili standartlar var! Hələ də dünyada güclülər zəiflərin haqqını tapdalamaq istəyir! Odur ki, biz daima güclü olmalıyıq. Güclü olmağın əsas şərti isə bizim birliyimizdir! Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq. Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq. Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik. Ulu yurdumuzun adını daşıyan "Azərbaycan" qəzeti də bu amala xidmət edir. Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Dərc vaxtına görə
Azərbaycan qəzetioxuduğunuz
Marko Rubio: ABŞ sistemli hücuma məruz qalmayıb