Yaponiyanın Sompo şirkətində yarımillik xalis mənfəət 40,7% azalıb


Ana SəhifəSIĞORTAYaponiyanın Sompo şirkətində yarımillik xalis mənfəət 40,7% azalıb
SIĞORTA20.11.2026 12:10
28
Fins.az - Yaponiyanın iri sığorta və maliyyə qruplarından biri olan Sompo Holdings 2026-cı maliyyə ilinin ilk yarısının nəticələrini açıqlayıb. Şirkətin sığorta gəlirləri artsa da, xalis mənfəəti ötən ilin eyni dövrü ilə müqayisədə 40,7% azalıb.
2026-cı ilin aprel-sentyabr aylarını əhatə edən hesabat dövründə Sompo Holdings-in sığorta gəlirləri 3,4 trilyon yen təşkil edib. Bu, illik müqayisədə 28,4% artım deməkdir.
Bununla yanaşı, şirkətin ana şirkətin səhmdarlarına aid edilən xalis mənfəəti 360,4 milyard yendən 213,8 milyard yenə düşüb. Vergidən əvvəlki mənfəət isə 39% azalaraq 284,1 milyard yen təşkil edib.
Maliyyə nəticələrinin zəifləməsi fonunda şirkət 2027-ci ilin martında başa çatacaq maliyyə ili üzrə xalis mənfəət proqnozunu da aşağı salıb. Yeni proqnoza əsasən, illik mənfəətin 460 milyard yen olacağı gözlənilir. Əvvəlki proqnoz 490 milyard yen idi.
Digər tərəfdən, Sompo-nun düzəliş edilmiş konsolidə edilmiş mənfəəti ilk yarıda 273,5 milyard yenə yüksəlib. Bu göstərici ötən ilin müvafiq dövrü ilə müqayisədə artım nümayiş etdirib.
MüəllifVüqar
Yüklənir...