Xüsusi Olimpiya Hərəkatının Avropa və Avrasiya regionunun prezidenti Azərbaycana təşəkkür edib


19 Noyabr 2026 12:24
16
İDMAN
Avropa badminton turnirinə ev sahibliyi etmək üçün Bakıda olmaq bizim üçün böyük şərəfdir. Bu tədbirin təşkilinə görə Azərbaycan Xüsusi Olimpiya Komitəsinə və Azərbaycan hökumətinə təşəkkürümü bildirirəm. Burada bizi çox səmimi qarşıladılar.
AZƏRTAC xəbər verir ki, bu fikirləri Xüsusi Olimpiya Hərəkatının Avropa və Avrasiya regionunun prezidenti və icraçı direktoru Sven Albrext Bakıda keçirilən Avropa badminton yarışının açılış mərasimində çıxışı zamanı səsləndirib.
O, Azərbaycanın qonaqpərvərliyini və beynəlxalq idman tədbirlərinin təşkili sahəsində təcrübəsini xüsusi vurğulayıb: “Hamımız bilirik ki, Azərbaycan qonaqpərvərliyi ilə həqiqətən məşhurdur. Ölkə böyük idman tədbirlərinə ev sahibliyi etməsi ilə tanınır. İndi isə inklüziv idman sahəsində də bu xüsusiyyəti ilə seçilir”.
S.Albrext qarşıdakı günlərdə maraqlı yarışların və tədbirlərin keçiriləcəyinə ümidvar olduğunu bildirib, idmançılara uğurlar arzulayıb. O, həmçinin Beynəlxalq və Avropa Badminton federasiyalarına göstərdikləri dəstəyə görə təşəkkür edib.
“Azərbaycanda xoş vaxt keçirməyinizi arzulayıram. Bu tədbirə ev sahibliyi etdiyinizə görə bir daha təşəkkür edirəm”, – deyə o əlavə edib.
Qeyd edək ki, Azərbaycan Texniki Universitetinin idman zalında keçirilən Avropa badminton yarışı noyabrın 21-dək davam edəcək. Yarışda 18 ölkəni təmsil edən idmançılar mübarizə aparırlar. Beynəlxalq tədbirin əsas məqsədi xüsusi olimpiya hərəkatı çərçivəsində idmançılar üçün yarış imkanlarını genişləndirmək, onların idman təcrübəsini artırmaq və idmanda inklüzivliyi təşviq etməkdir.
Digər Xəbərlər
Faydalı linklər
ÇOX OXUNANLAR
"Azərbaycan"-ın 1918-1920-ci illərdə dərc olunan nömrələrinin transliterasiyası
OXUCU MƏKTUBLARI
NƏŞRLƏRİMİZ
TƏQVİM / ARXİV
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu. Bununla da Azərbaycan yeni inkişaf dövrünə qədəm qoydu. Bu dövrdə dünyada mürəkkəb və ziddiyyətli proseslər davam etməkdədir! Hələ də dünyada ədalətsizliklər mövcuddur! Hələ də dünyada ikili standartlar var! Hələ də dünyada güclülər zəiflərin haqqını tapdalamaq istəyir! Odur ki, biz daima güclü olmalıyıq. Güclü olmağın əsas şərti isə bizim birliyimizdir! Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq. Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq. Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik. Ulu yurdumuzun adını daşıyan "Azərbaycan" qəzeti də bu amala xidmət edir. Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Dərc vaxtına görə
Azərbaycan qəzetioxuduğunuz
Xüsusi Olimpiya Hərəkatının Avropa və Avrasiya regionunun prezidenti Azərbaycana təşəkkür edib
