Tramp İranla bağlı planını açıqladı: “Tezliklə razılığa gələcəyik”


Dərc olunub: Bu gün, 14:20
Bölmə: Video
ABŞ Prezidenti Donald Tramp yaxın gələcəkdə İranla münaqişənin nizamlanmasına nail olmaq niyyətində olduğunu bildirib.
Tramp bu barədə “Fox News” telekanalına müsahibəsində danışıb.
Jurnalistin razılaşma əldə olunana qədər ABŞ qoşunlarının Yaxın Şərqdə saxlanılmasının nəzərdə tutulub-tutulmadığı barədə sualını cavablandıran Tramp İranla məsələnin tezliklə həll ediləcəyini deyib.
“Bəli, bunu sona çatdıracağam, tezliklə. Bu və ya digər şəkildə məsələni həll edəcəyik. Onlar razılaşma əldə etmək istəyirlər, lakin bizə uzunmüddətli saziş lazımdır”, – deyə ABŞ lideri bildirib.
Tramp ABŞ üçün hətta zəif və səriştəsiz prezidentin hakimiyyətdə olacağı halda belə qüvvədə qalacaq bir razılaşma əldə etməyə çalışdığını vurğulayıb.
ABŞ Prezidenti İranla münaqişənin nizamlanmasında Rusiya və ya Çinin köməyinə ehtiyac duymadığını da bildirib.
“Bizə heç bir kömək lazım deyil”, – deyə Tramp qeyd edib.
Dərc vaxtına görə
Avrasiya İAoxuduğunuz
Tramp İranla bağlı planını açıqladı: “Tezliklə razılığa gələcəyik”
