Rusiya və ABŞ prezidentləri APEC sammiti çərçivəsində görüş keçiriblər


Süni intellekt hazırlayıb
Çinin Şençjen şəhərində Asiya-Sakit Okean İqtisadi Əməkdaşlıq Təşkilatının sammiti çərçivəsində Rusiya Prezidenti Vladimir Putin ilə ABŞ Prezidenti Donald Tramp arasında ikitərəfli danışıqlar baş tutub. Bu tədbir 2025-ci ilin avqust ayında Alyaskada keçirilən görüşdən sonra iki liderin ilk üzbəüz təmasıdır. Məlumata görə, son doqquz il ərzində dövlət başçıları səkkizinci dəfə bir araya gəlirlər. Görüşdən əvvəl liderlər əl sıxışıblar və Amerika lideri Rusiya tərəfi ilə əla münasibətlərə malik olduğunu vurğulayıb.
Xülasə bu hadisəni yazan mənbələrin mətnlərinə əsasən hazırlanıb. Dəqiq ifadələr üçün orijinal mətnlərə baxın.
Putinlə Tramp arasında görüş keçirilib
ABŞ Prezidenti Donald Tramp və Rusiya Prezidenti Vladimir Putin Çinin Şençjen şəhərində görüşüblər. Görüş Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində baş tutub. Yenisirvanli.İnfo.Az xəbər verir ki, bu barədə Associated Press (AP) məlumat yayıb. Agentliyin məlumatına görə, iki lider arasında ayrıca görüş təxminən 40 dəqiqə davam edib. Bundan əvvəl Tramp və Putin Çin Prezidenti Si Cinpinlə üçtərəfli danışıqlarda iştirak ediblər. Görüşlərin əsas gündəliyində nüvə silahlarına nəzarət, Rusiya-Ukrayna müharibəsi və İran ətrafında yaranmış vəziyyət kimi beynəlxalq məsələlər yer alıb. Donald Tramp üç ölkə liderinin görüşünü nüvə silahlarının məhdudlaşdırılması və beynəlxalq münaqişələrin müzakirəsi baxımından mühüm fürsət kimi təqdim edib. Bununla belə, analitiklər bir görüşdən ciddi siyasi razılaşmalar əldə olunmasını gözləməyin real olmadığını bildirirlər. Qeyd edək ki, Putin və Tramp sonuncu dəfə 2025-ci ilin avqustunda Alyaskada görüşmüşdülər. Həmin danışıqlar Rusiya-Ukrayna müharibəsinin dayandırılması ilə bağlı konkret razılaşma ilə nəticələnməmişdi. Yenisirvanli.İnfo.Az
Tam oxu Yeni Şirvanlı saytındaDərc vaxtına görə
Yeni Şirvanlıoxuduğunuz
Putinlə Tramp arasında görüş keçirilib

Ordu.az+2 mənbə