Rusiya və ABŞ prezidentləri APEC sammiti çərçivəsində görüş keçiriblər


Süni intellekt hazırlayıb
Çinin Şençjen şəhərində Asiya-Sakit Okean İqtisadi Əməkdaşlıq Təşkilatının sammiti çərçivəsində Rusiya Prezidenti Vladimir Putin ilə ABŞ Prezidenti Donald Tramp arasında ikitərəfli danışıqlar baş tutub. Bu tədbir 2025-ci ilin avqust ayında Alyaskada keçirilən görüşdən sonra iki liderin ilk üzbəüz təmasıdır. Məlumata görə, son doqquz il ərzində dövlət başçıları səkkizinci dəfə bir araya gəlirlər. Görüşdən əvvəl liderlər əl sıxışıblar və Amerika lideri Rusiya tərəfi ilə əla münasibətlərə malik olduğunu vurğulayıb.
Xülasə bu hadisəni yazan mənbələrin mətnlərinə əsasən hazırlanıb. Dəqiq ifadələr üçün orijinal mətnlərə baxın.
Putinlə Trampın görüşü bir saatdan az davam edib
Moskva, 19 noyabr, AZƏRTAC Çinin Şencen şəhərində Rusiya Prezidenti Vladimir Putinlə ABŞ Prezidenti Donald Tramp arasında ikitərəfli görüş başa çatıb. Liderlərin söhbəti bir saatdan az davam edib.AZƏRTAC xəbər verir ki, görüşün başa çatması barədə Ağ Evin mətbuat xidməti məlumat yayıb. Danışıqlar APEC sammitinin plenar iclasından sonra Şencen Beynəlxalq Mübadilə Mərkəzində keçirilib. Bu, iki prezidentin 2025-ci ilin avqustunda Ankoricdə keçirilən sammitdən sonra ilk ikitərəfli görüşü olub.Görüşün mətbuata açıq hissəsində Donald Tramp rusiyalı həmkarını çoxdan tanıdığını və uzun illərdir onunla əla münasibətlərinin olduğunu bildirib. ABŞ Prezidenti danışıqların müsbət nəticələr verəcəyinə ümid bəslədiyini, Çin Xalq Respublikasının Sədri Si Cinpinin də iştirakı ilə keçiriləcək üçtərəfli görüşü səbirsizliklə gözlədiyini deyib.Görüşdə Rusiya tərəfdən Baş nazirin müavini, maliyyə naziri Anton Siluanov, xarici işlər naziri Sergey Lavrov, Rusiya Prezidentinin köməkçisi Yuri Uşakov və xüsusi nümayəndə Kirill Dmitriyev, ABŞ tərəfdən isə Dövlət katibi Marko Rubio və maliyyə naziri Skott Bessent iştirak ediblər. Fəridə Abdullayeva AZƏRTAC-ın xüsusi müxbiri Moskva
Tam oxu AZƏRTAC saytındaDərc vaxtına görə
AZƏRTACoxuduğunuz
Putinlə Trampın görüşü bir saatdan az davam edib
