İran Prezidenti bölgələrin inkişafında və vəsaitlərin bölgüsündə ədalətsizlik olduğunu bildirib


4 mənbə əsasında
İran Prezidenti Məsud Pezeşkian ölkədə vəsaitlərin bölüşdürülməsi və işçilərin ödəniş sistemində ədalətsizliklərin mövcud olduğunu açıqlayıb. O, kapital bazarına həsr olunan illik konfransda çıxışı zamanı bildirib ki, inkişafın əsasən Tehranda cəmləşməsi və ucqar bölgələrdə inflyasiyanın yüksək olması vətəndaşların həmin əraziləri tərk edərək böyük şəhərlərə köçməsinə səbəb olur. Dövlət başçısı həmçinin hökumətin sahibkarların fəaliyyətinə maneə törədən qanun və qaydaları dəyişməyə və ya ləğv etməyə hazır olduğunu qeyd edib.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Pezeşkiandan həyəcan təbili: Hər kəs Təbrizə axışır
Sitat.info Modern.az-a istinadla xəbər verir ki, Pezeşkian bu barədə İranın kapital bazarına həsr olunmuş illik konfransda danışıb.“Pul əyalətlərdən gəlir və Tehrana ayrılır. Pulun əyalətlərdən gəlməsi, inkişafın isə Tehranda baş verməsi məntiqlidirmi? Tehranda malların qiymətlərini sabit saxlayırıq, amma ucqar ərazilərdə inflyasiya əyalət mərkəzlərindəkindən daha yüksəkdir. Nəticədə insanlar həmin əraziləri tərk edib Tehran, Təbriz və Məşhədin kənarlarında məskunlaşırlar”, – o deyib.“İnsanların davranışını vəsaitin necə bölüşdürülməsi və ödəniş mexanizmi müəyyən edir. Bu siyasəti biz müəyyənləşdiririk və burada ədalət diqqətdən kənarda qalıb. Həm işçilərə ödəniş sistemində, həm də bölgələrin inkişafı üçün vəsaitin ayrılmasında ədalətsizlik görürük. Bu məsələlər üzərində işləməli, ədalətin və inkişafın təmin olunması üçün düzgün plan qurmalıyıq”.Pezeşkian hökumətin sahibkarların fəaliyyətinə mane olan qaydaları dəyişməyə hazır olduğunu da bildirib:“Qanun və qaydalarla bağlı bir-birimizlə danışmalı, əl-ələ verməliyik. Hökumət olaraq qarşınızdakı maneələri aradan qaldırmağa çalışırıq. Ehtiyac olan sahələrdə bazar, istehsal və sahibkarlar üçün problem yaradan qaydaları dəyişməyə və ya ləğv etməyə hazırıq. Bu işdə Ticarət Palatası və istehsalçılarla birgə işləyəcəyik”.
Tam oxu Sitat.info saytındaDərc vaxtına görə
Sitat.infooxuduğunuz
Pezeşkiandan həyəcan təbili: Hər kəs Təbrizə axışır
