TRIPP layihəsinin texniki parametrləri Bakı ilə razılaşdırılmalıdır


22 mənbə əsasında
Azərbaycanın xarici işlər naziri Ceyhun Bayramov TRİPP layihəsinin əsas texniki parametrlərinin Azərbaycan tərəfi ilə mütləq uzlaşdırılmalı olduğunu bildirib. O qeyd edib ki, bu məqsədlə birgə texniki işçi qrupunun təsis edilməsi barədə razılıq əldə olunub və işlərə başlanılıb. Ermənistanın baş naziri Nikol Paşinyan parlamentdəki çıxışında bu mövqe ilə razılaşdığını və dəmir yollarının birləşdirilməsi üçün texniki məsələlərin fəal şəkildə razılaşdırılmasının vacibliyini qeyd edib.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Paşinyan: TRIPP-in texniki parametrlərinin Azərbaycanla razılaşdırılmalıdır
Ermənistanın Baş naziri Nikol Paşinyan TRIPP layihəsi çərçivəsində tikiləcək dəmir yolunun Azərbaycan dəmir yolu şəbəkəsinə birləşdirilməsinin texniki parametrlərin Bakı ilə razılaşdırılmasını zəruri etdiyini bildirib. Bakıvaxtı.az xəbər verir ki, Nikol Paşinyan bu barədə Ermənistan parlamentində hökumət saatı çərçivəsində deputat Marianna Qahramanyanın sualını cavablandırarkən danışıb. Baş nazir bildirib ki, Ermənistan ərazisində inşa ediləcək dəmir yolu Azərbaycan dəmir yolu ilə birləşdirilməlidir və buna görə də layihənin texniki məsələləri iki ölkə arasında razılaşdırılmalıdır. “Bir incə məqam var: başa düşürsünüzmü, dəmir yolu gedir və başqa bir dəmir yoluna birləşməlidir”, – Paşinyan deyib. O əlavə edib ki, məhz bu məsələlərin müzakirəsi üçün üçtərəfli işçi qup yaradılıb. “Biz hesab edirik ki, bizim dəmir yolumuz Azərbaycanın dəmir yoluna birləşməlidir və bu məsələlər, texniki parametrlər, bəli, fəal şəkildə razılaşdırılmalıdır. Üçtərəfli işçi qrupunun yaradılmasının səbəbi də budur”, – Ermənistanın Baş naziri vurğulayıb. Paşinyanın sözlərinə görə, Ermənistan, ABŞ və Azərbaycan noyabrın 7-də nəqliyyat və elektrik enerjisinin ötürülməsi istiqamətləri üzrə ilk iki texniki planlaşdırma qrupunun fəaliyyətə başlaması barədə razılığa gəliblər. Bu qrupların işi regional digər infrastrukturlarla əlaqələndirmə məsələlərini də əhatə edir. Qeyd edək ki, bu gün Azərbaycanın xarici işlər naziri Ceyhun Bayramov Bakıda almaniyalı həmkarı Yohann Vadefulla birgə mətbuat konfransında TRIPP-in giriş və çıxış hissələrinin Azərbaycan ərazisində olduğunu, əsas texniki parametrlərin Bakı ilə razılaşdırılmasının vacibliyini vurğulayıb.
Tam oxu Bakivaxti.az saytındaDərc vaxtına görə
Bakivaxti.azoxuduğunuz
Paşinyan: TRIPP-in texniki parametrlərinin Azərbaycanla razılaşdırılmalıdır
