Hövsanda dəniz qəhvəyi rəngə boyandı – Xəzəri kim çirkləndirir? - Foto/video


Bakının Hövsan qəsəbəsində dəniz suyunun rəngi dəyişərək qəhvəyi rəng alıb. Sahildə müşahidə olunan bu mənzərə ərazidə yaşayan sakinlərin diqqətini çəkib.
Bizim.Media əməkdaşının çəkiliş etdiyi görüntülərdə əsas narahatlıq doğuran məqam isə dəniz suyunun acınacaqlı şəkildə çirklənməsidir.
Qeyd edək ki, Hövsan sahilində xeyli müddətdir boruların çəkilməsi və sualtı işlər aparılır.
İddialara görə, boruların yeni rəngə boyanmasından və daha sonra suyun altına buraxılmasından sonra dənizin rəngində belə dəyişiklik müşahidə olunub. Ehtimal edilir ki, istifadə olunan boya və ya digər materiallar suya qarışaraq bu mənzərəyə səbəb olub.
Əgər suyun rənginin dəyişməsi həqiqətən də aparılan işlərlə bağlıdırsa, bu, ciddi ekoloji narahatlıq doğurur.
Çünki dənizə boya və digər kimyəvi maddələrin qarışması təkcə suyun görünüşünə deyil, dəniz canlılarına və bütövlükdə ekosistemə də mənfi təsir göstərə bilər.
Azərbaycan Dövlət Su Ehtiyatları Agentliyi (ADSEA) yanında Suların İstifadəsinə və Mühafizəsinə Dövlət Nəzarəti Xidmətinin mətbuat katibi Xanlar Mehtiyev Bizim.Media-ya açıqlamasında dənizin çirklənməsi ilə bağlı məsələnin araşdırılması üçün əraziyə əməkdaşların göndərildiyini bildirib.
Alçina Amilqızı, Bizim.Media
© Materiallardan istifadə edərkən hiperlinklə istinad olunmalıdır. Mətndə səhv varsa, onu qeyd edib ctrl + enter düyməsini basaraq bizə göndərin.
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play
Dərc vaxtına görə
