Dövlət qulluğu imtahanında fənlərin dəyişdirilməsi ilə bağlı iddialara rəsmi cavab


11 mənbə əsasında
KİV-də dövlət qulluğuna qəbul imtahanlarında informatika və Azərbaycan dili fənlərinin ləğv edilərək əvəzinə emosional intellekt fənninin əlavə olunacağı barədə məlumatlar yayılıb. Bu yeni modelə əsasən imtahanda ümumilikdə yüz sualın olacağı və sualların qanunvericilik, məntiq və emosional intellekt üzrə bölünəcəyi iddia edilib. Lakin Dövlət İmtahan Mərkəzindən bildirilib ki, bu məlumatların heç bir hüquqi əsası yoxdur. İmtahanın keçirilməsi və qaydaları Nazirlər Kabineti tərəfindən müəyyən ediləcək.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Bu imtahanda 2 fənn ləğv edilir? - Rəsmi
Dövlət qulluğuna qəbul üzrə test imtahanı mərhələsinin strukturunda mühüm dəyişikliklərin ediləcəyi gözlənilir. Mediaxeberleri.Az Nocomment.az-a istinadla xəbər verir ki, mövcud imtahan proqramında yer alan informatika və Azərbaycan dili fənləri ləğv olunur. Onların əvəzinə imtahan siyahısına emosional intellekt fənni əlavə ediləcək. Yeni imtahan modeli və sual bölgüsündən sonra namizədlərə ümumilikdə 100 test tapşırığı təqdim olunacaq. Fənlər üzrə sualların yeni bölgüsü aşağıdakı kimi nəzərdə tutulur: Qanunvericilik: 50 sual Məntiq: 30 sual Emosional intellekt: 20 sual Xatırladaq ki, hazırkı qaydalara əsasən namizədlər qanunvericilik (40), məntiq (30), informatika (15) və Azərbaycan dili (15) fənləri üzrə imtahan verirlər. Yeni sistemin tətbiqi ilə namizədlərin hüquqi bilikləri ilə yanaşı, psixoloji hazırlıq səviyyəsinin də qiymətləndirilməsi hədəflənir. *** Dövlət qulluğuna qəbul üzrə test imtahanı mərhələsinin strukturunda mühüm dəyişikliklərin gözlənilməsi ilə bağlı məlumatın heç bir hüquqi əsası yoxdur. Bu barədə Oxu.az-a Dövlət İmtahan Mərkəzindən məlumat verilib. Bildirilib ki, Azərbaycan Respublikasının Dövlət Qulluğu Məcəlləsinin 23.8-ci maddəsinə əsasən test imtahanının təşkili, keçirilməsi, qiymətləndirilmənin aparılması və "Dövlət qulluğu sertifikatı"nın verilməsi qaydası Azərbaycan Respublikasının Nazirlər Kabineti tərəfindən müəyyən ediləcək: "Azərbaycan Respublikası Dövlət Qulluğu Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə haqqında" Azərbaycan Respublikasının 2026-cı il 16 oktyabr tarixli 490-VIIQ nömrəli Qanununun tətbiqi və bununla əlaqədar bəzi məsələlərin tənzimlənməsi barədə" Azərbaycan Respublikası Prezidentinin Fərmanında sözügedən Qaydaların hazırlanması üçün beş ay müddət müəyyən edilib. Test imtahanının məzmunu ilə bağlı məsələlər müəyyən edildikdən sonra həmin Qaydalarda öz əksini tapacaq", - deyə məlumatda qeyd olunub.
Tam oxu Media Xəbərləri saytındaDərc vaxtına görə
