Böyük Britaniyada inflyasiya yenidən yüksəldi


Böyük Britaniyada inflyasiyanın yüksəlməsi əhalinin yaşayış xərclərinə əlavə təzyiq yaradıb. Yanacaq qiymətlərinin rekord səviyyəyə çatması ölkədə istehlak qiymətlərinin artımını sürətləndirib.
Xitab24.az “The Guardian” nəşrinə istinadən xəbər verir ki, oktyabr ayında illik inflyasiya 3,6 faizə yüksəlib. Bu artımın əsas səbəblərindən biri benzin və dizel yanacağının bahalaşmasıdır.
Yaxın Şərqdə, xüsusilə İran ətrafında davam edən hərbi qarşıdurma beynəlxalq enerji bazarlarında qeyri-sabitliyi gücləndirib. Neftin bahalaşması Britaniyada nəqliyyat və digər gündəlik xərclərə təsir göstərib.
Eyni zamanda, ölkədə enerji ödənişlərinin gələn ilin yanvarından etibarən 26 faiz artacağı proqnozlaşdırılır. Hesablamalara görə, tipik ev təsərrüfatının illik enerji xərci 2166 funt sterlinqə çata bilər.
Qiymət artımı xüsusilə aşağı və orta gəlirli ailələrin büdcəsinə əlavə yük yaradır.
