Süni intellekt "Real Madrid" prezidentinə məsləhətlər verdi


"Real Madrid"in prezidenti Florentino Peresin klubda həyata keçirməyi planlaşdırdığı genişmiqyaslı islahatlar fonunda süni intellektin ("ChatGPT") komandanın heyət quruculuğu ilə bağlı təqdim etdiyi təhlil və tövsiyələr diqqət çəkir.
Offsideplus.az xəbər verir ki, süni intellektin Madrid nəhəngi üçün hazırladığı əsas kadr strategiyası aşağıdakı bəndlərdən ibarətdir:
Satılması gərəkən oyunçular: Brahim Díaz, Ferland Mendi və Antonio Rudiger komandanın gələcək uzunmüddətli layihəsi və yaş balansı nəzərə alınaraq transfer bazarına çıxarılmalı olan əsas futbolçular kimi göstərilir.
Andriy Lunin şərti: Ukraynalı qapıçı üçün qərar tamamilə onun öz istəyinə bağlanıb — Lunin yalnız şəxsən ayrılmaq tələbi ilə çıxış edəcəyi təqdirdə satılmalıdır.
Saxlanılmalı ulduzlar: Son dövrlərdə media və azarkeşlər tərəfindən sərt tənqidlərə məruz qalmalarına baxmayaraq, Vinisius Junior və Rodriqo komandanın hücum potensialı üçün mütləq heyətdə saxlanılmalıdır.
