Las-Veqasda “Formula-1” üzrə mövsümün son ABŞ yarışı başlayır


BAKI, 20 noyabr. TELEQRAF
ABŞ-nin Las-Veqas şəhərində “Formula-1” üzrə 2026-cı il dünya çempionatının 21-ci mərhələsinə start verilir.
Teleqraf xəbər verir ki, Las-Veqas Qran-prisi şəhər küçələrində salınmış 6,2 kilometrlik trasda keçiriləcək.
Çempionluq mübarizəsi artıq başa çatıb. İtaliyalı Kimi Antonelli və “Mercedes” komandası müvafiq olaraq şəxsi və konstruktorlar çempionatında vaxtından əvvəl qalib olublar.
Hazırda əsas mübarizə ikinci yer uğrunda gedir. “Red Bull” pilotu Maks Ferstappen 279 xalla ikinci pillədə qərarlaşıb. Onu Corc Rassell (262 xal), Lüis Hemilton (261 xal), Şarl Lekler (249 xal) və Lando Norris (246 xal) izləyirlər.
Las-Veqas trası 17 döngədən ibarətdir. Pilotlar təxminən iki kilometrlik düz hissədə saatda 350 kilometr sürət yığa biləcəklər.
Yarış noyabrın 22-də Bakı vaxtı ilə saat 08:00-da başlayacaq.
Qeyd edək ki, Qətər və Birləşmiş Ərəb Əmirliklərində keçirilməsi planlaşdırılan növbəti mərhələlərin taleyi hələ də qeyri-müəyyəndir.
