Jorje Jezuşdan Ronaldo sualına sərt cavab: "Onun üçün niyə darıxmalıyam?"


Portuqaliya milli komandasının baş məşqçisi Jorje Jezuş yığma karyerasını başa vuran sabiq kapitan Kriştiano Ronaldo üçün darıxıb-darıxmadığı ilə bağlı sualı cavablandırıb.
Offsideplus.az "A Bola" nəşrinə istinadən xəbər verir ki, UEFA Millətlər Liqasının 5-ci turunda Danimarkaya 1:4 hesabı ilə məğlub olduqları oyundan sonra təcrübəli mütəxəssis Ronaldonun gedişinin öz seçimi olduğunu bildirib:
"Nə mənada darıxıram? O, artıq burada deyil. Onun üçün niyə darıxmalıyam? O, kiməsə yoldaşlıq edə bilərdi, amma artıq oynamır, burada yoxdur və gələcəyinin necə olacağına özü qərar verib".
Qeyd edək ki, Ronaldo ötən toplanış zamanı 2-ci turun Norveçlə oyununda (2:1) baş məşqçinin onu meydana buraxmamasına etiraz edərək yığmanın düşərgəsini özbaşına tərk etmiş və daha sonra milli karyerasını bitirdiyini açıqlamışdı.
1 mənbə
