Jorje Jezuş: "Rəqib bizdən daha güclü idi"


Portuqaliya millisinin baş məşqçisi Jorje Jezuş Millətlər Liqasında Danimarkaya qarşı keçirilən ev oyununda 1:4 hesablı məğlubiyyəti şərh edib.
Offsideplus.az xəbər verir ki, Jezuş komandasının müdafiədə əvvəlki qarşılaşmadakı kimi güclü olmadığını bildirib: "Danimarkanın hücumunu, xüsusilə ikinci hissədə, dayandıra bilmədik. Komandanın irəliləyəcəyini düşünürdüm, amma bu, baş tutmadı. Rəqib həm güclü, həm də keyfiyyətli idi. Bu gün ikinci hücumçumuz Joau Feliks xətlər arasında oynaya bilmədi və mərkəz zonasına üstünlük qazana bilmədik. Danimarka bu komponentdə bizdən üstün idi və bizi təəccübləndirdi. Əgər növbəti mərhələni təmin etsəydik, Kardiffdə başqa oyunçulara şans verərdim. İndi əsas məqsəd qrupdan çıxmaqdır. Məğlubiyyətlər həmişə xoşagəlməzdir və futbolçuların emosional durumuna təsir edir. Bu günə qədər komanda özünə çox güvənirdi, indi isə Danimarkanın haqqını vermək lazımdır".
Kriştiano Ronalduya göstərilən ehtirama da toxunan Jezuş deyib: "O, bunu tamamilə haqq edir – milli komanda və Portuqaliya üçün etdiklərinə görə".
