İlon Mask süni intellekt üçün kosmosda məlumat mərkəzləri qurmaq istəyir


Dünya 19 Noyabr 2026 20:45
İlon Mask süni intellekt texnologiyalarının gələcəyinin kosmosda qurulacaq məlumat mərkəzlərindən asılı ola biləcəyini bildirib.
Sitat.info xəbər verir ki, o, “Tesla” və “SpaceX” şirkətlərinin birləşməsinin mümkün üstünlüklərindən danışarkən bu ideyanı gündəmə gətirib.
Maskın fikrincə, kosmosda yerləşdirilən məlumat mərkəzləri gələcəkdə süni intellekt hesablamalarının böyük hissəsini həyata keçirə bilər. Bu layihənin əsas üstünlüyü günəş enerjisindən istifadə imkanları və böyük hesablama infrastrukturlarının kosmosa çıxarılmasıdır.
Belə mərkəzlərin yaradılması üçün yüksək texnologiyalı peyklər, enerji sistemləri və məlumat ötürülməsi infrastrukturu tələb olunur. Mask həmçinin Tesla və SpaceX-in süni intellekt, robototexnika və çip istehsalı sahələrində fəaliyyətlərinin getdikcə yaxınlaşdığını bildirib. Bununla belə, kosmosda məlumat mərkəzlərinin genişmiqyaslı qurulması hələlik reallaşmış texnologiya deyil, uzunmüddətli layihə ideyasıdır.
Aytac,
Sitat.info
1 mənbə