Con Cons və Coş Hokit arasında qalmaqal böyüyür


Amerikalı MMA döyüşçüsü Coş Hokit məşhur UFC çempionu Con Cons ilə sparrinq zamanı baş verənləri açıqlayıb.
Offsideplus.az xəbər verir ki, Hokit sosial şəbəkədə Consu birbaşa hədəfə alıb:
"Səni sparrinqdə məğlub etmişəm, bundan sonra hər gün zəng edib, mənə yazırdın ki, məşqlərə qayıdım. Qreq Cekson buna şahiddir. Sadəcə bir cəb zərbəsi ilə başını sındırdım. Bütün bunlar UFC-də debütümə bir il qalmış baş verib. İndi olsa, nəticə daha fərqli olardı".
Qeyd edək ki, Cons daha əvvəl Hokitin UFC 334-də Siril Qana uduzmasına eyham vuraraq, onu tənqid etmişdi. İki döyüşçü arasında sosial şəbəkədə qarşılıqlı təhqiramiz ifadələr işlədilib.
