Azərbaycan ilə Vyetnam arasında əlaqələrin inkişaf perspektivləri müzakirə olunur


20 mənbə əsasında
Azərbaycan və Vyetnam dövlətləri arasındakı əlaqələr uzunmüddətli tarixə və möhkəm təməllərə söykənir. Ötən dövr ərzində neft-qaz sənayesi və təhsil sahələrində sıx əməkdaşlıq həyata keçirilib, həmçinin qarşılıqlı səfərlər təşkil olunub. Hazırda bu ikitərəfli münasibətlər yeni geosiyasi və iqtisadi reallıqlar çərçivəsində daha da dərinləşir. Prezident İlham Əliyevin Vyetnama rəsmi səfəri və Vyetnam Xəbər Agentliyinə verdiyi müsahibə əlaqələrin yeni mərhələyə qədəm qoyduğunu göstərir. Tərəflər strateji tərəfdaşlıq və qarşılıqlı faydalı əməkdaşlıq istiqamətində addımlar atırlar.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Azərbaycan-Vyetnam münasibətləri: Tarixi varislik və müasir əməkdaşlıq üfüqləri
Diplomatik münasibətlər tarixində elə əlaqələr var ki, onların möhkəmliyi zamanın sınağından keçir və müxtəlif dövrlərdə özünü təsdiqləyir. Azərbaycan ilə Vyetnam arasındakı münasibətlər onilliklər bundan əvvəl təməli qoyulmuş səmimi dostluğun bu gün strateji dialoq və qarşılıqlı faydalı əməkdaşlıq üçün necə mühüm rol oynadığının parlaq nümunəsidir.Oxu24.com AZƏRTAC-a istinadən xəbər verir ki, Azərbaycan Respublikasının Prezidenti İlham Əliyevin Vyetnama rəsmi səfəri bu siyasi kursun varisliyini rəmzi şəkildə vurğulayır və ikitərəfli əlaqələrin salnaməsində yeni səhifə açır.Ortaq tariximizin səhifələriBakı ilə Hanoy arasında müasir dialoq dərin tarixi köklərə söykənir. Hələ 1980-ci illərin əvvəllərində dövlətlərarası əlaqələrin intensiv inkişaf etdiyi dövrdə ən yüksək səviyyədə keçirilən görüşlər qarşılıqlı hörmət və dəstək ənənələrinin əsasını qoydu. Həmin dövrdə Azərbaycan mütəxəssislərinin Vyetnamın neft-qaz sənayesinin qurulmasında və inkişafında göstərdikləri fədakarlıq, həmçinin minlərlə vyetnamlı tələbənin Bakının ali məktəblərində biliklərə yiyələnməsi iki xalq arasında sarsılmaz mənəvi körpülər yaratdı. Bu tarixi təcrübə və səmimi insani münasibətlər sonrakı onilliklərdə də dövlətlərarası etimadın ən etibarlı dayaq nöqtəsi olaraq qaldı. Məhz bu möhkəm təməl üzərində qurulan əməkdaşlıq bu gün yeni geosiyasi reallıqlar şəraitində daha da dərinləşərək keyfiyyətcə yeni mərhələyə qədəm qoyur.1981-ci ilin martında Vyetnam Kommunist Partiyası Mərkəzi Komitəsinin Baş katibi Le Zuanın rəhbərlik etdiyi nümayəndə heyətinin Bakıya səfəri iki xalqın dostluq salnaməsində unudulmaz səhifəyə çevrildi. Dövlət bayraqları və üzərində salamlama şüarları yazılmış qırmızı plakatlarla bəzədilmiş paytaxtın hava limanında ali qonağı təyyarənin trapı önündə Azərbaycan Kommunist Partiyası Mərkəzi Komitəsinin birinci katibi Heydər Əliyev şəxsən qarşılamışdı. Həmin günlərdə Bakıda hökm sürən bayram əhvali-ruhiyyəsi sadəcə protokol qaydalarının deyil, uzaq məsafələrə baxmayaraq bir-biri
Tam oxu Oxu24.com saytındaDərc vaxtına görə
