Azərbaycan Hava Yolları beynəlxalq səviyyədə iki mükafata layiq görülüb


26 mənbə əsasında
Azərbaycan Hava Yolları sərnişin xidmətinin keyfiyyəti və uçuş təcrübəsinə görə iki beynəlxalq mükafatla təltif edilib. Təqdim edilən təltiflər birbaşa sərnişinlərin müstəqil rəyləri və anonim qiymətləndirmələri əsasında müəyyənləşdirilib. Mükafatlandırma mərasimi 2026-cı il noyabrın 19-da Sinqapurda keçirilən beynəlxalq aviasiya forumu çərçivəsində baş tutub. Reytinqlər zamanı göyərtədəki xidmət səviyyəsi, oturacaqların rahatlığı, qida təminatı və əyləncə sistemləri nəzərə alınıb.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
AZAL iki nüfuzlu beynəlxalq mükafata layiq görüldü
AZCON Holding şirkətlərindən olan Azərbaycan Hava Yolları sərnişin xidmətinin keyfiyyətinə və uçuş təcrübəsinə görə beynəlxalq səviyyədə iki nüfuzlu mükafata layiq görülüb: “2027 APEX Four-Star Major Airline” və “2027 APEX Best Cabin Service in Central & Southern Asia”. Bu barədə Adalet.az-a “Azərbaycan Hava Yolları” QSC-nin Mətbuat xidmətindən məlumat verilib. Mükafatların xüsusi əhəmiyyəti onların birbaşa sərnişinlərin müstəqil rəy və qiymətləndirmələri əsasında müəyyən edilməsidir. APEX-in reytinqləri “Concur” şirkətinin “TripIt” platforması ilə əməkdaşlıq çərçivəsində toplanan anonim sərnişin qiymətləndirmələrinə əsaslanır. Qiymətləndirmə zamanı göyərtədə xidmətin keyfiyyəti, oturacaqların rahatlığı, qida və içki təminatı, əyləncə sistemləri və internetə çıxış imkanları nəzərə alınır. Mükafatlar 19 noyabr 2026-cı il tarixində Sinqapurda keçirilən “APEX FTE EXPO 2026” beynəlxalq aviasiya forumu çərçivəsində təqdim olunub. Tədbir aviaşirkətlərin, hava limanlarının, rəqəmsal texnologiyalar sahəsində fəaliyyət göstərən təşkilatların nümayəndələrini və aviasiya sənayesinin aparıcı ekspertlərini bir araya gətirib. “APEX Four-Star Major Airline” mükafatı Azərbaycan Hava Yollarının ümumi sərnişin təcrübəsi üzrə yüksək göstəricilərini, “Best Cabin Service in Central & Southern Asia” mükafatı isə aviaşirkətin Mərkəzi və Cənubi Asiya regionunda hava gəmisinin göyərtəsində göstərilən xidmət sahəsində əldə etdiyi nailiyyətləri təsdiqləyir. Qeyd edək ki, aviaşirkət 2026-cı ildə “Skytrax World Airline Awards” mükafatlandırma mərasimində də “Mərkəzi Asiya və MDB üzrə ən yaxşı regional aviaşirkət” adına layiq görülüb. Bu mükafatlar AZAL-ın sərnişin xidmətlərinin keyfiyyətinin yüksəldilməsi və beynəlxalq aviasiya bazarında mövqeyinin möhkəmləndirilməsi istiqamətində fəaliyyətinin növbəti göstəricisidir. Azərbaycan Hava Yollarının fəaliyyəti ilə bağlı ən son xəbərlərlə aviaşirkətin rəsmi internet səhifəsində və mobil tətbiqində tanış olmaq mümkündür.
Tam oxu Adalet.az saytındaDərc vaxtına görə
