Antalyaya uçan Rusiya təyyarəsində partlayış təhlükəsi barədə xəbərdarlıq verilib


Rusiyanın Mineralnıye Vodı şəhərindən Antalyaya uçan “Azimuth Airlines” aviaşirkətinə məxsus sərnişin təyyarəsində partlayış təhlükəsi barədə məlumat verilib.
“Qafqazinfo” Türkiyə mediasına istinadən xəbər verir ki, hadisə “Sukhoi Superjet 100” tipli təyyarə Türkiyə səmasında olarkən baş verib.
Bildirilib ki, məsələ barədə məlumat daxil olduqdan sonra Türkiyənin təhlükəsizlik xidmətləri yüksək hazırlıq vəziyyətinə gətirilib.
Göyərtəsində 65 sərnişin və 4 ekipaj üzvü olan təyyarə nəzarət altında Antalya aeroportunda yerə enib. Təhlükəsiz əraziyə aparılan təyyarədən sərnişinlər və heyət üzvləri təxliyə edilib.
Hazırda təyyarədə yoxlamalar aparılır.
1 mənbə