Minimum əməkhaqqı artımı özəl sektorda rəqabətə və maaş artımına təsir göstərir


9 mənbə əsasında
Ölkədə keçirilən Peşə Təhsili Forumunun panel sessiyasında çıxış edən əmək və əhalinin sosial müdafiəsi naziri Anar Əliyev minimum əməkhaqqı və dövlət sektorunda maaş artımlarının özəl sektordakı rəqabət mühitinə təsirindən danışıb. Nazir qeyd edib ki, 2017-ci ildən qeyri-formal məşğulluğun azaldılması istiqamətində görülən işlər nəticəsində əmək müqavilələrinin sayı əhəmiyyətli dərəcədə artıb və ümumi əməkhaqqı fondu yüksəlib. Rəsmi şəxs rəsmi məşğulluğun genişləndirilməsinin işçilərin sosial hüquqlarının qorunması və onların kvalifikasiyalarının artırılması baxımından vacibliyini diqqətə çatdırıb.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Anar Əliyev: Minimum əməkhaqqının artırılması özəl sektorda da maaş artımına təkan verir
İşəgötürənlər işçilərinin bilik və bacarıqlarının artırılmasında maraqlı olmalı, bu istiqamətdə investisiya yatırmalıdırlar. AZƏRTAC xəbər verir ki, bunu əmək və əhalinin sosial müdafiəsi naziri Anar Əliyev Peşə Təhsili Forumu 2026 çərçivəsində keçirilən “Dəyişən iqtisadiyyat, dəyişən bacarıqlar: Gələcəyin insan kapitalının yetişdirilməsi” mövzusunda panel sessiyasında çıxışı zamanı deyib. Nazir bildirib ki, 2017-ci ildən Azərbaycanda qeyri-formal məşğulluğun azaldılması istiqamətində sistemli və davamlı tədbirlər həyata keçirilir. Bu tədbirlər nəticəsində ölkədə əmək müqavilələrinin sayı 600 minə yaxın artıb. Bu, təxminən 46-47 faiz yüksəliş deməkdir. Eyni zamanda, əməkhaqqı fondu üç dəfədən çox artıb. Anar Əliyev qeyd edib ki, minimum əməkhaqqının artırılması, eləcə də dövlət sektorunda əməkhaqlarının mütəmadi yüksəldilməsi özəl sektorda da rəqabət mühitinə təsir göstərir və maaş artımlarını stimullaşdırır. Əmək müqavilələrinin sayının artması işçilərin bilik və bacarıqlarının inkişafı üçün də əlavə imkanlar yaradır. İşəgötürənlər əməkdaşlarını müxtəlif kurslara, ixtisasartırma və peşə hazırlığı proqramlarına cəlb etməklə onların peşəkarlıq səviyyəsini yüksəldə bilərlər. Nazir formal məşğulluğun genişləndirilməsinin işçilərin sosial hüquqlarının təmin olunması baxımından da əhəmiyyətini vurğulayıb. O, həmçinin Dövlət Məşğulluq Agentliyinin işəgötürənlərin tələblərinə uyğun işçi qüvvəsinin müəyyənləşdirilməsi və hazırlanması istiqamətində xidmətlər göstərdiyini diqqətə çatdırıb. Bildirib ki, bu çərçivədə iri müəssisələrlə əməkdaşlıq edilir, onların ehtiyaclarına uyğun namizədlər seçilir və xüsusi peşə hazırlığı proqramları təklif olunur.
Tam oxu Azərbaycan qəzeti saytındaDərc vaxtına görə