27 mindən çox insan evindən məcburi çıxarılıb - bu ölkədə


Almaniyada mənzil problemi və evsiz qalma riski getdikcə artır. 2025-ci ildə ölkədə 27 mindən çox insan məhkəmə qərarı əsasında yaşadığı evdən məcburi çıxarılıb.
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Ajans.az xəbər verir ki, bu barədə “Rheinische Post” qəzeti Almaniya%20%C6%8Fdliyy%C9%99%20Nazirliyi" target="_blank">Almaniya Ədliyyə Nazirliyinin məlumatlarına istinadən yazıb.
Məlumata görə, ötən il məhkəmə icraçıları 27,4 mindən çox məcburi evdən çıxarılma həyata keçiriblər. Eyni zamanda, məhkəmələr bu məsələ ilə bağlı 41,2 minə yaxın qərar qəbul edib. Bu, əvvəlki illə müqayisədə 6 min çoxdur.
Beləliklə, Almaniyada hər gün orta hesabla 75 nəfər yaşadığı evdən çıxarılıb. Bununla belə, hökumətin statistik məlumatlarında bu qərarlardan hansı ailələrin zərər çəkdiyi və neçə nəfərin evsiz qaldığı dəqiq göstərilmir.
Statistik göstəricilər fonunda Sol Partiyanın sosial mənzil təminatı üzrə nümayəndəsi Sara Mirov qış aylarında məcburi evdən çıxarılmaların qanunla qadağan edilməsini təklif edib. O bildirib ki, bu addım insanların soyuq havada küçədə qalmasının qarşısını ala bilər.
Mirovun sözlərinə görə, mənzil hüququ insanın fundamental hüquqlarından biridir və məcburi evdən çıxarılmalardan müdafiə ilə təmin olunmalıdır.
Məcburi çıxarılmaların ən çox qeydə alındığı ərazi Şimali Reyn-Vestfaliya federal torpağı olub. Burada belə halların sayı 6 mini ötüb. Bavariyada 3,4 mindən çox, Berlində isə təxminən 2,3 min məcburi çıxarılma qeydə alınıb.
