Vasif Talıbovun oğlunun Dubayda dəyəri milyonlarla qiymətləndirilən villası aşkarlanıb


8 mənbə əsasında
Jurnalist Cavanşir Həsənli tərəfindən aparılan araşdırmaya görə, Naxçıvanın sabiq rəhbəri Vasif Talıbovun oğlu Rza Talıbov Dubayın lüks yaşayış kompleksində mülkiyyətə sahibdir. Məlumata əsasən, o, “Emerald Hills” zonasında iki torpaq sahəsini birləşdirərək ümumi sahəsi 3386 kvadratmetr olan ərazidə villa tikdirib. Reyestr sənədlərində həmin mülklə əlaqədar Rza Talıbovun əlaqə nömrəsi də qeyd olunub. Əmlak bazarının qiymətləndirilməsinə görə, həmin ərazidə hazır malikanənin bazar dəyəri 49 ilə 73,5 milyon dollar arasında dəyişə bilər.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Vasif Talıbovun oğlunun Dubaydakı sərvəti: 73 milyonluq villası üzə çıxdı – Fotolar
“Naxçıvanın keçmiş “xan”ı Vasif Talıbovun oğlu Rza və Seymurun Dubaydakı çoxsaylı mülkləri hamıya bəllidir. Amma “Dubai Hills”dəki villa istisna olmaqla”.Oxu24.com xəbər verir ki, bunu jurnalist Cavanşir Həsənli sosial media hesabında yazıb.O qeyd edib ki, Rza Talıbovun həm də Dubayın lüks yaşayış kompleksi “Emerald Hills”in (Dubai Hills Estate) rəsmi sakin və sahibi kimi reyestr məlumatlarında çəkilir:“Dubaydan dərc olunmuş mülkiyyətçi siyahılarına görə, Rza Talıbov eksklüziv “Emerald Hills” qolf meydançası ərazisində ümumi sahəsi 3.386 kv.m sahəsi olan iki torpaq sahəsini alıb və birləşdirib, burada dəbdəbəli villa tikdirib. Söhbət Emerald Hills-P-156 (1.715,53 kv.m) və Emerald Hills-P-157 (1.670,11 kv.m) kimi müəyyən edilmiş torpaq sahələrindən gedir. Reyestr siyahılarında Rza Talıbovun əlaqə nömrəsi də qeyd olunur.“Emerald Hills” ərazisindən açılan mənzərə əsasən yamyaşıl 18 dəlikli qolf meydançasına (Dubai Hills Golf Club), lüks villalara və uzaq üfüqdə ucalan Bürc Xəlifə ilə Downtown Dubai göydələnlərinə baxır.Dubayın əmlak bazarı araşdırmasına görə 3.400 m² ölçüsündə olan bir sahənin bazar dəyəri “Emerald Hills” və qonşu ultra-lüks zonaların cari qiymətləri ilə hesablandıqda, boş torpaq üçün təxminən 99 – 123 milyon dirhəm (təxminən 27 – 33,5 milyon dollar), üzərində hazır ultra-lüks malikanə tikildikdə isə 180 – 270 milyon dirhəm və ya təxminən 49 – 73,5 milyon dollar civarında olar”.Jurnalist bildirib ki, “Vikipediya” məlumatına görə, Rza Talıbov hələ də Dövlət Miqrasiya Xidmətinin Vətəndaşlıq məsələləri Baş idarəsinin rəisi vəzifəsində çalışır.(Globalinfo.az)
Tam oxu Oxu24.com saytındaDərc vaxtına görə