Türkiyə Müdafiə Nazirliyi S-70 və C-130 qəzaları ilə bağlı son vəziyyəti açıqlayıb


Türkiyə Müdafiə Nazirliyi Malatyada qəzaya uğrayan S-70 helikopteri və Gürcüstanda düşən C-130 hərbi nəqliyyat təyyarəsi ilə bağlı araşdırmaların davam etdiyini bildirib.
Ordu.az xəbər verir ki, Türkiyə Müdafiə Nazirliyi həftəlik mətbuat brifinqində Türkiyə Silahlı Qüvvələrinə məxsus helikopter və hərbi nəqliyyat təyyarəsinin qəzaları ilə bağlı aparılan araşdırmaların son vəziyyətini açıqlayıb.
Nazirlik hər iki qəzanın səbəblərinin müəyyənləşdirilməsi istiqamətində araşdırmaların davam etdiyini və yekun nəticələrin işlər başa çatdıqdan sonra açıqlanacağını bildirib.
Türkiyə Müdafiə Nazirliyi 2026-cı il noyabrın 11-də Malatyada S-70 tipli hərbi helikopterin hələ müəyyən edilməmiş səbəbdən qəzaya uğradığını xatırladıb.
Qəza nəticəsində 4 hərbçinin həlak olmasından sonra yaradılan inzibati təhqiqat heyəti və qəza araşdırma qrupu hadisə yerinə göndərilərək fəaliyyətə başlayıb.
Nazirliyin açıqlamasında bildirilib ki, qəzanın səbəbinin müəyyənləşdirilməsi məqsədilə təyin olunan inzibati təhqiqat heyəti və qəza araşdırma qrupu hadisədən dərhal sonra bölgəyə gələrək işə başlayıb. Hadisə ilə bağlı ətraflı araşdırmalar davam edir.
Türkiyə Müdafiə Nazirliyi helikopterin qəzaya uğrama səbəbinin araşdırmalar tamamlandıqdan sonra müəyyən ediləcəyini bildirib.
Nazirlik 2025-ci il noyabrın 11-də Gürcüstanda qəzaya uğrayan C-130 hərbi nəqliyyat təyyarəsi ilə bağlı araşdırmaların son mərhələyə çatdığını açıqlayıb.
20 hərbçinin həlak olduğu qəzanın səbəbinin müəyyənləşdirilməsi məqsədilə texniki araşdırmalar davam etdirilir.
Təyyarənin əsas istehsalçısı olan ABŞ-nin “Lockheed Martin” şirkətinin qəza ilə bağlı əlavə texniki araşdırmalar aparmaq üçün bəzi hissələri tələb etdiyi bildirilib.
Türkiyə Müdafiə Nazirliyi “Lockheed Martin” şirkətinin tələb etdiyi hissələrlə bağlı araşdırmalar başa çatdıqdan sonra C-130 qəzasına dair yekun hesabatın açıqlanacağını bildirib.
Nazirliyin açıqlamasında qeyd olunub ki, təyyarənin əsas istehsalçısı “Lockheed Martin” şirkəti araşdırma aparmaq məqsədilə bəzi əlavə hissələr tələb edib. Şirkət araşdırmalarını tamamladıqdan sonra qəzanın səbəbinə dair yekun hesabat şəffaf şəkildə ictimaiyyətə təqdim olunacaq.
Nazirlik S-70 helikopteri və C-130 hərbi nəqliyyat təyyarəsinin qəzalarının səbəbləri ilə bağlı hələlik yekun nəticənin açıqlanmadığını vurğulayıb.
Sevinc Əliyeva Ordu.az
1 mənbə
