Putin və Trampın görüşü noyabrın 19-na planlaşdırılıb


18 Noyabr 2026 22:29
452
DÜNYA
Rusiya Prezidenti Vladimir Putinlə ABŞ Prezidenti Donald Tramp arasında ikitərəfli görüş noyabrın 19-da Şençjendə Asiya-Sakit Okean İqtisadi Əməkdaşlıq Təşkilatının (APEC) sammitinin plenar iclasından sonra keçiriləcək.
AZƏRTAC xəbər verir ki, bu barədə Rusiya Prezidentinin köməkçisi Yuri Uşakov məlumat verib.
“Sabah ikitərəfli görüş keçirməyi planlaşdırırıq. Hazırlaşırıq və ümid edirik ki, görüş faydalı və məzmunlu olacaq. Söhbətdə hər iki tərəfdən bir neçə nəfər iştirak edəcək”, – deyə o bildirib.
Onun sözlərinə görə, noyabrın 18-də keçirilən rəsmi qəbul zamanı Rusiya və ABŞ liderləri bir-biri ilə yalnız bir neçə kəlmə ediblər. Onlar masa arxasında yanaşı əyləşmədiklərindən söhbəti davam etdirmək mümkün olmayıb. Y.Uşakov əlavə edib ki, noyabrın 19-da iş günü ərzində prezidentlərin ünsiyyət qurmaq üçün əlavə imkanları olacaq.
Həmin gün Putin, Tramp və Çin Xalq Respublikasının Sədri Si Cinpin arasında üçtərəfli görüş də keçiriləcək. Görüşə maksimum bir saat vaxt ayrılıb.
Noyabrın 18-də keçirilən Rusiya-Çin danışıqlarına toxunan Kreml nümayəndəsi bildirib ki, görüş qapalı qapılar arxasında, dostluq və səmimi şəraitdə keçib və iki lider arasında daimi dialoqun davamı olub.
Putin və Si Cinpin beynəlxalq və regional gündəmin ən mühüm və aktual məsələlərini müzakirə ediblər. Ukrayna münaqişəsinin nizamlanmasına xüsusi diqqət yetirilib.
Digər Xəbərlər
Faydalı linklər
ÇOX OXUNANLAR
"Azərbaycan"-ın 1918-1920-ci illərdə dərc olunan nömrələrinin transliterasiyası
OXUCU MƏKTUBLARI
NƏŞRLƏRİMİZ
TƏQVİM / ARXİV
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu. Bununla da Azərbaycan yeni inkişaf dövrünə qədəm qoydu. Bu dövrdə dünyada mürəkkəb və ziddiyyətli proseslər davam etməkdədir! Hələ də dünyada ədalətsizliklər mövcuddur! Hələ də dünyada ikili standartlar var! Hələ də dünyada güclülər zəiflərin haqqını tapdalamaq istəyir! Odur ki, biz daima güclü olmalıyıq. Güclü olmağın əsas şərti isə bizim birliyimizdir! Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq. Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq. Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik. Ulu yurdumuzun adını daşıyan "Azərbaycan" qəzeti də bu amala xidmət edir. Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Dərc vaxtına görə
Azərbaycan qəzetioxuduğunuz
Putin və Trampın görüşü noyabrın 19-na planlaşdırılıb
