PSJ səfərdə “Nitsa”nı məğlub edərək liderliyini qoruyub


Fransa Liqasının XI turunda “Nitsa” və PSJ komandaları üz-üzə gəliblər.
90deqiqe.Az-ın məlumatına görə, “Allianz Riviera” stadionunda keçirilən qarşılaşma qonaqların 3:2 hesablı qələbəsi ilə başa çatıb.
Matçda hesabı 8-ci dəqiqədə meydan sahiblərinin hücumçusu Məhəmməd Amura açıb. 31-ci dəqiqədə PSJ-nin yarımmüdafiəçisi Senni Mayulu tarazlığı bərpa edib. Cəmi bir dəqiqə sonra Desire Due parisliləri hesabda önə keçirib. Lakin futbolçu 44-cü dəqiqədə zədə səbəbindən meydanı tərk edib.
Görüşün 85-ci dəqiqəsində Ferran Torres PSJ-nin üçüncü qolunu vurub. “Nitsa”nın futbolçusu Əli Abdi isə 90+5-ci dəqiqədə yekun hesabı müəyyənləşdirib – 2:3.
Qeyd edək ki, PSJ-nin qapıçısı Matvey Safonov qarşılaşmanı start heyətində keçirib və qapısında iki qol görüb.
Bu nəticədən sonra 11 oyunda 26 xal toplayan PSJ Fransa çempionatının turnir cədvəlində liderliyini davam etdirir. “Nitsa” isə 17 xalla altıncı pillədə qərarlaşıb.
Növbəti turda “Nitsa” noyabrın 28-də doğma meydanda “Trua”nı qəbul edəcək. PSJ isə həmin gün Parisdə “Loryan”la qarşılaşacaq.
