"Oyunun gedişatına görə 1 xal da pis nəticə deyil" - Ervins Perkons


“İmişli”nin məşqçisi Ervins Perkons (Ervīns Perkons) Misli Premyer Liqasının 12-ci turunda “Zirə” ilə 2:2 hesablı heç-heçə etdikləri matç haqqında danışıb.
Fanat.Az xəbər verir ki, o, görüşdən sonra keçirilən mətbuat konfransında iki fərqli hissənin oynanıldığını bildirib:
“İki fərqli hissə oldu. İlk yarı istədiyimiz kimi olmadı. Hücumda təzyiq göstərə bilmədik. Oyunçular üzərlərinə düşən fiziki tapşırığı tam yetirə yetirə bilmədilər. Taktiki səhvlər də var idi. İkinci hissə daha yaxşı idik. Sonradan meydana girən futbolçular oyunumuza güc qatdılar. Taktiki düzülüşü dəyişdik. Onların sayəsində daha yaxşı oynadıq. Hesabda geridə olanda ruhdan düşmədik. Bilirdik ki, qol vura bilərik. Hamı buna inanırdı. Buna görə də qol vurduq. Minimum 1 xal qazanmağa layiq idik. Təbii ki, məqsədimiz 3 xal qazanmaq idi. Amma oyunun gedişatına görə 1 xal da pis nəticə deyil”.