Nazir: İşsizlikdən sığorta ödənişinin əlçatanlığı artırılıb


BAKI, 19 noyabr. TELEQRAF
Azərbaycanda işsiz şəxslərin sosial müdafiəsi məqsədi ilə ödənilən işsizlikdən sığorta ödənişinin əlçatanlığı artırılıb.
Teleqraf xəbər verir ki, bunu əmək və əhalinin sosial müdafiəsi naziri Anar Əliyev "İmkanlar və İnam": Dövlət-Biznes Əməkdaşlığı Forumunda çıxışında deyib.
O bildirib ki, növbəti ildə bu ödənişlə əhatə olunanların sayı son illərlə müqayisədə 4 dəfədən çox artaraq 16 min nəfər təşkil edəcək.
"Bu məqsədlə ayrılan vəsaitin məbləği isə 10 dəfədən çox artaraq 36 milyon manat təşkil edəcək", - nazir vurğulayıb.