Nazir: Almaniyalı həmkarımla regional təhlükəsizlik məsələlərini müzakirə etdik


18 Noyabr 2026 12:39
332
SİYASƏT
Almaniyalı həmkarımla apardığım müzakirələr kontekstində regional məsələlərə də nəzər saldıq.
AZƏRTAC xəbər verir ki, bu sözləri Azərbaycanın xarici işlər naziri Ceyhun Bayramov Almaniyanın xarici işlər naziri Yohan David Vadeful ilə birgə keçirdiyi mətbuat konfransında deyib.
Həmkarını Azərbaycan-Ermənistan normallaşma prosesi barədə məlumatlandırdığını vurğulayan nazir əlavə edib: “Mən müzakirələr zamanı işğaldan azad edilmiş ərazilərdə gedən bərpa-quruculuq işləri, yüz minə yaxın insanın öz doğma torpaqlarına qayıtması, orada təhsil alması, işləməsi barədə danışdım. Mina təhlükəsi və bölgə ilə bağlı bir sıra digər mövzularda fikir mübadiləsi apardıq. Eyni zamanda, daha geniş coğrafiyaya nəzər salaraq həm Şərqi Avropada, həm yaxın Şərqdə davam edən müharibələrin, münaqişələrin bölgəmizə, ölkələrimizə yaratdığı risk faktorları barədə danışdıq”.
Digər Xəbərlər
Faydalı linklər
ÇOX OXUNANLAR
"Azərbaycan"-ın 1918-1920-ci illərdə dərc olunan nömrələrinin transliterasiyası
OXUCU MƏKTUBLARI
NƏŞRLƏRİMİZ
TƏQVİM / ARXİV
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu. Bununla da Azərbaycan yeni inkişaf dövrünə qədəm qoydu. Bu dövrdə dünyada mürəkkəb və ziddiyyətli proseslər davam etməkdədir! Hələ də dünyada ədalətsizliklər mövcuddur! Hələ də dünyada ikili standartlar var! Hələ də dünyada güclülər zəiflərin haqqını tapdalamaq istəyir! Odur ki, biz daima güclü olmalıyıq. Güclü olmağın əsas şərti isə bizim birliyimizdir! Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq. Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq. Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik. Ulu yurdumuzun adını daşıyan "Azərbaycan" qəzeti də bu amala xidmət edir. Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
1 mənbə