Təkmilləşdirilmiş riyaziyyat fənn kurikulumuna yeni tövsiyələr əlavə edilib


5 mənbə əsasında
Azərbaycan Respublikasının Təhsil İnstitutunun şöbə müdiri Mənsur Məhərrəmov riyaziyyat dərsliklərinin ictimai müzakirəsində kurikulumdaki dəyişiklikləri açıqlayıb. Bildirilib ki, yenilənmiş sənədə qiymətləndirmə istiqamətləri və sinifdaxili fəaliyyət tövsiyələri daxil edilib, həmçinin tədris məzmunu üç sütun şəklində təqdim olunub. Eyni zamanda sənədin həcmi kiçildilib və bəzi bölmələr, o cümlədən əvvəlki inteqrasiya cədvəli çıxarılıb.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Müəllimlərin işi asanlaşacaq - Kurikulumda YENİLİK - RƏSMİ
Təkmilləşdirilmiş riyaziyyat fənn kurikulumuna müəllimlər üçün qiymətləndirməyə dair istiqamətlər və sinifdaxili fəaliyyətlərlə bağlı tövsiyələr əlavə edilib.Sitat.info xəbər verir ki, bunu riyaziyyat dərsliklərinin ictimai müzakirəsində Azərbaycan Respublikasının Təhsil İnstitutunun (ARTİ) Təhsil standartları və proqramları şöbəsinin müdiri Mənsur Məhərrəmov bildirib.Onun sözlərinə görə, əvvəlki kurikulumdan fərqli olaraq, yeni sənəddə tədris məzmunu üç sütunda təqdim edilir:“Birinci sütunda altstandartlar göstərilir. İkinci sütunda zəruri hallarda həmin standartların izahı verilir ki, məzmun daha düzgün anlaşılsın. Üçüncü sütunda isə mövzunun şagirdlərə daha yaxşı mənimsədilməsi üçün sinifdaxili fəaliyyətlərlə bağlı tövsiyələr təqdim olunur. Altstandartları daha konkret və ölçülə bilən formada hazırlamağa çalışmışıq. Çünki standartların əsas məqsədlərindən biri müəllimlərin şagirdlərin bilik və bacarıqlarını daha rahat qiymətləndirməsinə imkan yaratmaqdır. Əvvəlki kurikulumlarda qiymətləndirməyə dair ayrıca hissə yox idi, yeni sənəddə isə bu istiqamətdə müəyyən tövsiyələr əlavə olunub”.M.Məhərrəmov bildirib ki, kurikulumun əsas məqsədi müəllimlərə pedaqoji metodikanı yenidən öyrətmək deyil, onlara tədris prosesinin təşkili üçün istiqamət verməkdir.O qeyd edib ki, sənədin həcmi də optimallaşdırılıb, bəzi bölmələr, o cümlədən əvvəlki inteqrasiya cədvəli çıxarılıb.Şöbə müdiri vurğulayıb ki, fənlərarası inteqrasiya müəllimin bilik və bacarığından, dünyagörüşündən və dərs zamanı çevik qərarvermə qabiliyyətindən asılı olaraq təbii şəkildə həyata keçirilməlidir (Azərbaycan müəllimi).
Tam oxu Sitat.info saytındaDərc vaxtına görə