FİFA prezidentliyi uğrunda 3 namizəd...


FİFA-nın yeni prezidentinin seçilməsi uğrunda üç namizəd mübarizə aparacaq.
Axar.az xəbər verir ki, beynəlxalq futbol qurumunun rəsmi saytında namizədlərin adları açıqlanıb.
Bunlar Fransa Futbol Federasiyasının prezidenti Filip Diallo, Yaponiyanın Futbol Assosiasiyasına əvvəllər rəhbərlik etmiş Kodzo Tacima və hazırkı FİFA prezidenti Canni İnfantinodur.
İnfantino 2016-cı ildən FİFA-ya rəhbərlik edir. Tacima 2015-ci ilin aprelindən FİFA-nın tərkibində fəaliyyət göstərir.
Yeni prezidentin seçkisi 2027-ci il martın 18-də Mərakeşin Rabat şəhərində keçiriləcək FİFA-nın 77-ci Konqresində baş tutacaq.
Namizədlərin irəli sürülmüş siyahısı qurumun seçki komissiyasına təqdim olunub. Komissiya onların namizədliyə uyğunluğunu yoxlayacaq. FİFA-nın məlumatına görə, üzv assosiasiyalar seçkilərdə iştirakına icazə verilmiş namizədlərin adları barədə ən geci 2027-ci il fevralın 18-də məlumatlandırılacaqlar.
Dərc vaxtına görə
