Fərid Zeynalov üç nəfərə yüksək vəzifə verdi - FOTOLAR


Milli Kibertəhlükəsizlik Agentliyində yeni təyinatlar baş tutub.
Demokrat.az xəbər verir ki, Yurd.Media-nın əldə etdiyi məlumata görə, Agentliyin İdarə Heyətinin sədri Fərid Zeynalov bununla bağlı müvafiq əmrlər imzalayıb.
Belə ki, Xəyalə Babayeva Fərdi məlumatların mühafizəsi departamentinin direktoru vəzifəsinə, Həvva Hüseynli Beynəlxalq əlaqələr departamentinin direktoru və Cavid Hüseynov isə Hüquq departamentinin direktoru vəzifəsinə təyin olunub.
Xəyalə Babayeva bundan əvvəl 2023-cü ilin iyunundan 2026-cı ilin noyabrınadək Elektron Təhlükəsizlik Xidmətində Fərdi məlumatların mühafizəsi şöbəsinin müdiri vəzifəsində çalışıb. O, 2018-ci ilin noyabrından 2023-cü ilin avqustunadək isə Rəqəmsal İnkişaf və Nəqliyyat Nazirliyində Kibertəhlükəsizlik xidməti üzrə baş məsləhətçi vəzifəsində fəaliyyət göstərib.
Xəyalə Babayeva
Həvva Hüseynli isə bundan əvvəl, 2025-ci ilin fevralından 2026-cı ilin noyabrınadək Milli Kibertəhlükəsizlik Agentliyində Əməkdaşlıq və kommunikasiya departamentinin rəhbəri olub.
O, daha əvvəllər isə Dövlət Məşğulluq Agentliyinin Beynəlxalq tərəfdaşlıq şöbəsinin müdiri, Beynəlxalq əlaqələr üzrə baş mütəxəssis və mütəxəssis vəzifələrində çalışıb.
Həvva Hüseynli
Cavid Hüseynov isə bundan əvvəl 2023-cü ilin yanvarından 2026-cı ilin noyabrınadək həmin agentliyin Hüquq və tənzimləmə şöbəsinin müdiri vəzifəsində çalışıb. O, daha əvvəllər Dövlət Miqrasiya Xidmətində Təşkilat və nəzarət baş idarəsinin inspektoru olub.
Cavid Hüseynov
Dərc vaxtına görə
Demokrat.azoxuduğunuz
Fərid Zeynalov üç nəfərə yüksək vəzifə verdi - FOTOLAR
