Fərid Qayıbov: İnklüziv yarışların keçirilməsi Azərbaycanın idman uğurlarından biridir


19 Noyabr 2026 12:05
48
İDMAN
Fiziki və əqli imkanlarından asılı olmayaraq hər kəs üçün idmana bərabər çıxış imkanlarının təmin edilməsi dövlət idman siyasətinin prioritet istiqamətlərindəndir.
AZƏRTAC xəbər verir ki, bu fikirləri Azərbaycanın gənclər və idman naziri Fərid Qayıbov Bakıda Xüsusi Olimpiya proqramı çərçivəsində keçirilən Avropa badminton yarışının açılış mərasimində çıxışı zamanı səsləndirib.
Nazir bildirib ki, Prezident İlham Əliyev idmana və inklüziv layihələrə daim xüsusi diqqət və qayğı göstərir: “Bu diqqət nəticəsində bu gün Azərbaycanda Xüsusi Olimpiya hərəkatı uğurla inkişaf edir”.
F.Qayıbov son illərdə Azərbaycan idmançılarının beynəlxalq arenada uğurlu çıxışlarını, ölkəmizdə təşkil olunan festivalları və təlim-məşq toplanışlarını xüsusi qeyd edib: “Son illərdə idmançılarımızın beynəlxalq arenada uğurlu çıxışlarının, Azərbaycanda keçirilən müxtəlif festivalların və təlim-məşq toplanışlarının şahidi olmuşuq. Nəhayət, bu gün də 18 ölkənin iştirakı ilə Avropa və Avrasiya regionunun badminton yarışlarının məhz Azərbaycanda keçirilməsinə şahidlik edirik”.
Nazir cari ilin Azərbaycan və Bakı üçün idman baxımından da uğurlu olduğunu vurğulayıb: “Bu il ölkəmizdə müxtəlif Avropa və dünya çempionatları keçirilib. Belə inklüziv yarışın təşkili də idmanımızın növbəti uğurudur”.
Qeyd edək ki, Azərbaycan Texniki Universitetinin idman zalında keçiriləcək Avropa badminton yarışı noyabrın 21-dək davam edəcək. Yarışda 18 ölkəni təmsil edən idmançılar mübarizə aparırlar. Beynəlxalq tədbirin əsas məqsədi xüsusi olimpiya hərəkatı çərçivəsində idmançılar üçün yarış imkanlarını genişləndirmək, onların idman təcrübəsini artırmaq və idmanda inklüzivliyi təşviq etməkdir.
Digər Xəbərlər
Faydalı linklər
ÇOX OXUNANLAR
"Azərbaycan"-ın 1918-1920-ci illərdə dərc olunan nömrələrinin transliterasiyası
OXUCU MƏKTUBLARI
NƏŞRLƏRİMİZ
TƏQVİM / ARXİV
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu. Bununla da Azərbaycan yeni inkişaf dövrünə qədəm qoydu. Bu dövrdə dünyada mürəkkəb və ziddiyyətli proseslər davam etməkdədir! Hələ də dünyada ədalətsizliklər mövcuddur! Hələ də dünyada ikili standartlar var! Hələ də dünyada güclülər zəiflərin haqqını tapdalamaq istəyir! Odur ki, biz daima güclü olmalıyıq. Güclü olmağın əsas şərti isə bizim birliyimizdir! Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq. Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq. Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik. Ulu yurdumuzun adını daşıyan "Azərbaycan" qəzeti də bu amala xidmət edir. Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!
Dərc vaxtına görə
Azərbaycan qəzetioxuduğunuz
Fərid Qayıbov: İnklüziv yarışların keçirilməsi Azərbaycanın idman uğurlarından biridir
