Azərbaycan vətəndaşları İŞİD-in terror qruplaşmasında iştiraka görə saxlanılıb


14 mənbə əsasında
Dövlət Təhlükəsizliyi Xidmətinin həyata keçirdiyi tədbirlər nəticəsində ölkə hüdudlarından kənarda fəaliyyət göstərən terrorçu qruplaşmaların üzvü olan Azərbaycan vətəndaşları saxlanılaraq ölkəyə gətirilib. İstintaq materiallarına əsasən, Yunus Abdurahmanov xarici ölkədə İŞİD-in "Vilayəti Xorasan" təşkilatının hərbi təlimlərində iştirak edib, Abdulla Həsənbəyov isə xarici dövlətin hərbi əməliyyatlarında iştirak niyyəti ilə gedərkən yaxalanıb. Hər iki şəxs barəsində məhkəmənin qərarı ilə həbs qətimkan tədbiri seçilib və araşdırmalar davam etdirilir.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
DTX MƏLUMAT YAYDI: Bu şəxslər saxlanılaraq Azərbaycana gətirildilər (FOTO)
Azərbaycan Respublikasının hüdudlarından kənarda dini düşmənçilik, dini radikalizm və dini fanatizm zəminində yaradılmış sabit silahlı qrupun fəaliyyətində iştirak etmiş Azərbaycan Respublikası vətəndaşları saxlanılaraq ölkəyə gətirilmişdir.DTX-dən verilən məlumata görə, əməliyyat-istintaq tədbirləri ilə Abdurahmanov Yunus Mehman oğlunun 15 noyabr 2025-ci il tarixdə xarici ölkə ərazisinə gedərək orada “İslam Dövləti Xorasan Vilayəti” (İŞİD - Vilayəti Xorasan) terrorçu təşkilatına qoşulması, dağlıq ərazidə xüsusi hazırlanmış mağara tipli gizli düşərgədə yerləşdirilməsi, odlu silah və döyüş sursatları ilə təchiz olunaraq terror-təxribat aktlarının törədilməsi üçün hərbi təlimlərdə iştirakı təsbit edilmiş, xüsusi əməliyyat tədbirləri ilə ələ keçirilmişdir.Bundan başqa, həmin terror qruplaşmasının digər üzvü Həsənbəyov Abdulla Yaşar oğlu xarici dövlətin hökumət qüvvələrinə qarşı hərbi əməliyyatların keçirilməsində iştirak niyyəti ilə xarici ölkəyə getmiş, Azərbaycan tərəfinin verdiyi məlumat əsasında müvafiq dövlətin təhlükəsizlik orqanları ilə birgə tədbirlərlə gizli marşrut üzrə hərəkəti zamanı saxlanılmışdır.Qeyd olunan cinayət əməllərinə görə Yunus Abdurahmanov Azərbaycan Respublikası Cinayət Məcəlləsinin 283-1.3-cü, Abdulla Həsənbəyov isə 29, 283-1.3-cü maddələri ilə təqsirləndirilən şəxs qismində məsuliyyətə cəlb edilərək məhkəmənin qərarı ilə barələrində həbs qətimkan tədbiri seçilmişdir.Hazırda cinayət işləri üzrə istintaq-əməliyyat tədbirləri davam etdirilir.
Tam oxu 32gun.az saytındaDərc vaxtına görə
APA+1 mənbə