Çin, Rusiya və ABŞ liderləri üçtərəfli sammiti “uğurlu” qiymətləndiriblər


Dünya20 noyabr 2026, 09:3420.11.2026 09:34
Çin, Rusiya və ABŞ prezidentləri Si Cinpin, Vladimir Putin və Donald Tramp arasında ilk üçtərəfli sammit keçirilib.
Çağdaş.Az xəbər verir ki, görüş Çinin Şençjen şəhərində Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində baş tutub. Si Cinpin görüşü “tarixi əhəmiyyətə malik” hadisə kimi qiymətləndirib.
Dərin geosiyasi fikir ayrılıqlarına baxmayaraq, üç ölkənin liderləri görüşü qlobal gərginliyin azaldılması və sabitliyin təşviqi istiqamətində mühüm addım kimi təqdim ediblər.
Danışıqlar zamanı Ukrayna və İran ətrafındakı münaqişələr, eləcə də ticarət, enerji və nüvə silahlarına nəzarət məsələləri müzakirə olunub.
Birgə bəyanatda nüvə silahlarının yayılmasının qarşısının alınmasına yönəlmiş səylərə dəstək ifadə edilib. Donald Tramp isə Çinin də iştirak edəcəyi yeni silahlanmaya nəzarət sazişinin hazırlanması ilə bağlı çağırışını təkrarlayıb.
1 mənbə
