Azərbaycan təmsilçiləri Astanada şahmat turnirində birinci olublar


9 mənbə əsasında
Qazaxıstanın paytaxtı Astanada hüquq-mühafizə orqanlarının əməkdaşları arasında “Arlan Chess Cup 2026” beynəlxalq şahmat turniri təşkil edilib. İlk dəfə beynəlxalq səviyyədə keçirilən yarışda Azərbaycan komandası bütün rəqiblərini üstələyərək birinci yeri tutub. Turnirdə Gürcüstan təmsilçiləri ikinci, Qazaxıstanın “Arlan-1” komandası isə üçüncü pillədə qərarlaşıb. Qazaxıstan Daxili İşlər Nazirliyinin məlumatına əsasən, yarışın ən yaxşı şahmatçısı Qırğızıstan nümayəndəsi seçilib.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Azərbaycan komandası beynəlxalq turnirin qalibi olub
Azərbaycan komandası Qazaxıstanın paytaxtı Astanada keçirilən Arlan Chess Cup 2026 beynəlxalq şahmat turnirinin qalibi olub.Oxu24.com xəbər verir ki, bu barədə Qazaxıstan Respublikasının Daxili İşlər Nazirliyi məlumat yayıb.Noyabrın 17-də hüquq-mühafizə orqanlarının əməkdaşları arasında keçirilən turnir ilk dəfə beynəlxalq səviyyədə təşkil olunub.Azərbaycanın qalib komandasında Hacıəli Əhədzadə, Rauf Məmmədov və komandanın kapitanı Zaur Məcidov çıxış ediblər.İkinci yeri Tornike Qabuniya, Zurab Ksovreli və kapitan Besik Kakaladzedən ibarət Gürcüstan komandası tutub.Üçüncü yerə isə Arman Aubakirov, Oljas Tugelbayev və kapitan Arman Jaldıqulovun təmsil etdiyi Qazaxıstanın “Arlan-1” komandası layiq görülüb.Beynəlxalq turnirin ən yaxşı oyunçusu Qırğızıstan təmsilçisi Almazbek Abakirov seçilib.Bununla yanaşı, respublika səviyyəsində keçirilən turnirdə 55 idmançı mübarizə aparıb. Fərdi yarışda Akmola vilayəti Polis Departamentinin əməkdaşı Yerlan Turimbetov birinci, Cinayət-İcra Sistemi Komitəsinin nümayəndəsi Yergali Sauran ikinci, Türküstan vilayəti Polis Departamentinin əməkdaşı Paşa Osmanov isə üçüncü yeri tutub.Respublika turnirinin komanda yarışında Paşa Osmanov, Madi Yeşmuratov və kapitan Yerkegali Kuandıkdan ibarət Türküstan vilayəti Polis Departamentinin komandası qalib gəlib.İkinci yeri Atırau vilayəti Polis Departamentinin, üçüncü yeri isə Qazaxıstan Daxili İşlər Nazirliyinin Nəqliyyatda Polis Departamentinin komandası tutub.
Tam oxu Oxu24.com saytındaDərc vaxtına görə
