“Auqsburq” və “Verder”dən qələbə


Almaniya Bundesliqasının 10-cu turunda “Auqsburq” doğma meydanda “Maynts”ı qəbul edib.
90deqiqe.Az-ın məlumatına görə, görüş meydan sahiblərinin 3:1 hesablı qələbəsi ilə başa çatıb.
19-cu dəqiqədə Mihael Qreqoriç hesabı açaraq “Auqsburq”u önə keçirib. 36-cı dəqiqədə Cuma Ba fərqi iki topa çatdırıb və komandalar fasiləyə meydan sahiblərinin 2:0 hesablı üstünlüyü ilə yollanıblar.
İkinci hissənin əvvəlində, 49-cu dəqiqədə Qreqoriç yenidən fərqlənərək dubl edib. İki dəqiqə sonra Rensford-Yeboa Königsdörffer “Maynts”ın qollardan birinin əvəzini çıxıb. Lakin qonaqlar hesabı bərabərləşdirə bilməyiblər və “Auqsburq” qələbəsini qoruyub.
Turun digər matçında “Verder” doğma meydanda “Hamburq”u 4:0 hesabı ilə məğlub edib.
İlk hissədə komandalar qol vura bilməyiblər. Fasilədən sonra isə Bremen təmsilçisi üstünlüyü ələ alıb. 55-ci dəqiqədə Marko Fridl hesabı açıb.
66-cı dəqiqədə Castin Ncinma fərqi artırıb, dörd dəqiqə sonra isə dublunu rəsmiləşdirərək hesabı 3:0 edib. Matçın yekun nəticəsini əlavə olunmuş vaxtda Niklas Füllkruq müəyyənləşdirib.
