Bakıda sərnişin avtobusunda xuliqanlıq edən şəxs şüşəni sındırıb


12 mənbə əsasında
Paytaxtın Yasamal rayonu ərazisində marşrut avtobusunda xuliqanlıq hadisəsi qeydə alınıb. Naməlum sərnişin nəqliyyat vasitəsinin dayanacaqdan kənarda saxlamağı tələb edib və sürücünün imtinasından sonra aqressivləşib. Həmin şəxs salondakı elektron ödəniş avadanlığına zərər verib, ön qapının şüşəsini sındıraraq ərazidən uzaqlaşıb. Müşahidə kamerasına düşən olayla əlaqədar polisə məlumat verilib.
Xülasəni süni intellekt aşağıdakı mənbələrin yazılarına əsasən hazırlayıb. Dəqiq ifadələr üçün orijinal mətnlərə baxın.
Aqressiv sərnişin avtobusun şüşələrini sındırıb qaçıb - VİDEO
Dünən paytaxtın Yasamal rayonu ərazisində xuliqanlıq hadisəsi baş verib. Naməlum şəxs 65 saylı müntəzəm marşrut xətti üzrə hərəkətdə olan 99-JP-013 dövlət qeydiyyat nişanlı avtobusun dayanacaqdan kənarda saxlanılmasını təlbə edib. Sürücü ona avtobusu qarşıdakı dayanacaqda saxlayacağını bildirsə də, həmin şəxs əsəbi halda tələblərinə davam edib və cəmiyyətə açıq hörmətsizlik nümayiş etdirərək xuliqanlıq əlamətləri daşıyan hərəkətlərə yol verib. Həmin şəxs avtobusun salonunda quraşdırılmış Azərbaycan Yerüstü Nəqliyyat Agentliyinə məxsus elektron ödəniş avadanlığına zərər vurub, daha sonra avtobusun ön qapısının şüşəsini təpik zərbəsi ilə sındıraraq hadisə yerindən uzaqlaşıb. Hadisə avtobusda quraşdırılmış müşahidə kamerası vasitəsilə videogörüntüyə alınıb. Faktla bağlı polisin “102” qaynar xəttinə məlumat verilib, müvafiq tədbirlər görülür. (AzPolitika.info) Hadisəni əks etdirən görüntüləri təqdim edirik: Reportyor.az
Tam oxu Reportyor.az saytındaDərc vaxtına görə
