Abşeronda nəqliyyat vasitələrindən oğurluq edən keçmiş məhkum tutulub


Bakı, 18 noyabr, AZƏRTAC
Abşeron rayonunda yük avtomobillərindən ümumi dəyəri 10 min 320 manat olan naqil və akkumulyator oğurlanıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, polisə daxil olmuş məlumat əsasında keçirilən tədbirlə əməli törətməkdə şübhəli bilinən, əvvəllər məhkum olunmuş P.Allahverdiyev müəyyən edilərək saxlanılıb. Araşdırmalarla məlum olub ki, o, rayonun müxtəlif yerlərində nəqliyyat vasitələrindən oğurluq əməlini törədib.
Faktlarla bağlı cinayət işi başlanılıb, araşdırmalar davam etdirilir.
Dərc vaxtına görə
